12 ago 2010

Grado spot

Domenico Marchesini  "Menego Pìcolo"   (1850-1924)
     













   " Vièn su'l barcon"


Vien su'l barcon o mora fulignera
che le corgnache t'ha mandao 'n saludo,
'Le t'ha mandao saluo de verta çiera,
mostrete fora ... negra rusiniera !
Tu vol sì fahte lustra petenagia
ma a le varvuole tu 'i fah gilusia,
tu aval de 'l folpo gravio 'nsasonagia
e co'l sbrufeo de sepe 'mbeletagia !
Bela pe' comparih a scureo de luna,
de'l Bufulin morosa per to vanto,
per cu che no te varda ze fortuna !
E adesso basta sì per tu 'l gno canto.



              *      *      *      *      *  

3 commenti:

Anonimo ha detto...

cussa comò che lah sarave finia ze Romeo i varave decantao 'stà puesia a Giulieta .
thor

Anonimo ha detto...

tornao de casòn con un bisato in sesto e mezo de rosso in corpo, Colò vardando al balaòr in casata,al scorze , tr a'l fumo del boreto e l'odor de agio, al viso de "l'amata" Minighina....

"Mo bilitissime colone mie
fior de bomtae e de sesto sensa tare, che quando la to' boca pianze o rìe sumigia duta 'l tagio de to' mare ! Cô tu camìni tu te movi in pie, tu sà 'ndah a peverasse, a granzi e mare;
le gramole tu ha sgionfe e 'nculurìe cofà 'l dadrio polposo de to' pare. Per vogi t'ha do stele o do giamanti,
che quii de i fulpi e sepe 'i ze compagni;
co' un bel nason de forcola davanti.
Si, i rospi tu 'namuri, e sensa lagni
per fin in cavo i piugi 'i fà galanti,
tra i to' cavili aval de i pie de ragni.

Su movete...vial afasoleto nero in suca, via al siàl nero e smolete al cocòn che me ranpigo fin sora, stieta....
ma ociu al boreto sinò deventa 'na boreta.

- Giovanin de Stralonga-

Alien ha detto...

bravo Giovanin,
tantii pensieri de Menego Picolo i xe mundi atuali, specialmente quii riguardo la Comun ....
ciao,
Aldo