30 mar 2013

Grado spot



A ‘l sior proto de la stanperia

Se ‘visa ‘l proto de la stanperia
che, dovendo stanpà in graisan,
stà ‘tinti no se deve a ‘l ortografia
comò la Crusca, che ciàcola in toscan.
Do P, do T, do R mal le starave
in tapo, fruto, guera al dî nostran;
se deve fàle dopie  in usso e in asso,
comò mastrùsso, lusso,  giossa e brasso.

Anca pre no ‘ndà co’l toscanismo
ma continuà la nostra antiga usanza,
(e questo ‘nte le scuole sarave barbarismo)
plural e singolar và ben ‘bastansa;
‘ntè’l favelà in graisan zusto se pòl a dî
“Quii ‘i rîe”…sensa de fâ ‘na maldicensia,
‘chè “Quei ridono” …’i dìse duti là in Fiorensa:
ma a quà la pratica fà ‘l uso e la sentensia.
La parola “cussì”,  co’ oltre tante

e pre cavà ogni ‘quivoco a i leturi,
ciàma do ss  …’chè un no xe bastante;
bisogna de segnà “cusì” pre i sarturi,
cucìre” scrivarave un bon cruscante…
ma pre no fâve  de ‘stà quà fin a doman
‘na roba sola dìgo e no me ‘ntrìgo:
comò ‘l se ciàcola ‘l và scrìto, el graisan !

3 commenti:

Anonimo ha detto...

Forsi quel che se ciacola incùo no zè nianche più graisan ........cmq bela

Teti

Alien ha detto...

No' xe duto farina del gnò saco...
he solo adatao/rivisto un vecio testo in venessian a quel che pòl êsse in graisan...
ciao !

P.S.
Si,Sergio, solo la S ....

leonardo ha detto...

pe' scrive ben GRASSIE!!!!!!