15 mag 2016

Le beveríe



                                                     Le beveríe

Comò i fiuri de tapo
che ‘i spunta là in paluo
cussì l’istae a Gravo
fiurisse beveríe...
Vien fora tavulini,
carieghe e anche onbreluni,
tovage e tovagete
co’ sora le salviete.
No xe de cusinà,
opur xe mundi poco
che basta do pestaci
o un per de tramezini,
financo xe le ulive o
fetèle de salame
co’ un toco de formagio
pe’ quii che ha mundi fame.
             Ma ‘l re de ‘sto bel regno
             xe ‘l vin o ’l “prosechino”
             che ‘l score comò ‘l aqua
             co’l ponto xe a dosana.
             Turisti ’i se consola
             che ‘l beve ‘i piase assai
             e cussì anche i graisani
             che no ‘i lo mola mai.
               Butiglie de ogni nome
               e biceri senpre alsai,
               tapi che svola in alto
               comò fôssa corcai.
               No sarà loghi santi
               e gnanche opere pie:
               comunque ‘viva Gravo
               co’ le so’ beverie !!!