26 giu 2009

Alien Productions



1^ domenica di luglio : ricorrenza celebrazione della "Madonna di Barbana"

5 commenti:

Anonimo ha detto...

Ave Maria, o dolse nome

In sta’ note de sabo grando,
co’l sielo stelao,
‘na làgrema sàlagia
compagna la preghiera
per quanti i n’ha lassào…vogando in mar scuro e grando,
prima che cali la sera.


Ave Maria,
che tu son la mare de dute le crature,
te companiemo in festa, co’ canti e preghiere,
a l’isola de Barbana co’ fede e barche sigure
in un’orassiòn de poche parole che profuma de Miserere.


Ave o Maria, o dolse nome,
Da la Ciesa Granda al porto,
una sola preghiera ne ‘compagna.
Madona dei ànzuli, ‘na caressa tu regali
a le mare che pianze ‘nzonegiae oro ‘l porto e,
che nel tovo selestial surizo le serca ‘l conforto.

Umili preghiere,
rose, ortensie profumàe, e fiuri del Perdòn,
i te compania co “l’Adagio” e i canti,
‘spetando Bonsignor, e‘l segnal:

“In nome de Dio Avanti !”

Madona de Barbana, Vògene ben.

Maria!
In ‘sto zorno de ‘l Ringrassiamento,
“Accogli la nostra preghiera”
e...
Cussì sia!
leonardo tognon

Anonimo ha detto...

xe da 35 ani che no partecipo a la procession de la Madona deBarbana ,grassie alien de dame la posibilita de veghela per lo meno sul video.
Ciao Sergio

Anonimo ha detto...

Barba 'l Bilieto
Tante bele barche 'mbandierae
pronte per la Granda Processiòn,
al segnal de un omo le se mola
e le va a Barbana pe' 'l 'Perdòn'.
Una volta duti e se 'mbarcheva
o basteva dì 'Barba Riveme'!
'Desso le regole gambiae
e pe' 'ndà a Barbana vol cussì:
"Barba 'l bilieto
xe ani che speto
e me a Barbana
no se co cù 'ndà.
Sensa 'l bilieto
lo stesso me vago,
me vesto de zago
e me saré là.
No vago per sede,
ma vago per fede,
no vago a magnà
me vago a pregà.
Barba 'l bilieto
xe ani che speto
e me a Barbana
no vogio mancà."
E del molo duti saludeva
quele barche che 'ndeva via
co la banda a bordo che soneva
che de tanti seculi se fà.


Giovani Grigolon “tronbai”

Anonimo ha detto...

..no' vago pe' sede
vago pe' fede......

Alien ha detto...

Thor !
la pàr scrita per tu !!!
ciao ...