28 mar 2008

Festival dei bambini



" W i graisani ! "
(1992)

“W i graisani !” graisani vìri, nati a Gravo,
graisani patòchi, quìì de “stralonga” o “cul de muro”;
“W i graisani !” quìì de laguna e de boreto,
graisani “DOC”! che ‘i sà de odor de marinasso.

“W i graisani !“ ‘viva i graisani in canotiera'
quìì che l’istae i và a ciapâ ‘l sol in scuriera.
“W i graisani !” ‘viva i graisani in ostarìa,
che cô i xe duri, và le muger a portàli via !

Graisani ! ‘viva i graisani,
‘viva i graisani,‘viva ‘sto mar
e ‘viva Gravo !

“W i graisani !” che vive de pension,
che no i lavora o i vìve de stagion.
“W i graisani !” quìì che de istae i ‘fìta,
che a lugio e agosto i và a durmî in sufìta.
“W i graisani !” graisani in giro per el mondo,
che cô i xe stufi i torna a Gravo col “Mercedes”.
“W i graisani !” col conto in banca e che i xe siuri,
carghi de soldi, sia botegheri o pescauri !

Graisani ! ‘viva i graisani,
‘viva i graisani, ‘viva ‘sto mar
e ‘viva Gravo !

“W i graisani !” ‘viva i graisani anche inbrugiùni,
che i frega duti e dopo i và in confessional;
“W i graisani !” rosario e borsa de la spesa,
graisani bigoti, quìì che và vìnti volte in cesa.
“W i graisani !” ‘viva i graisani a muso duro,
graisani astiusi, senpre ‘rabiai col mondo intiero.
“W i graisani !” graisani che i te da ‘na man,
che i giùta duti, buni comò un toco de pan !

Graisani ! ‘viva i graisani,
‘viva i graisani, ‘viva ‘sto mar
e ‘viva Gravo !

“W i graisani !”
e ‘viva anche me, che son graisan !!!
*************************

********************************

2 commenti:

Anonimo ha detto...

simpatica e veritiera sta poesia cantagia ,ma dime tu la à scrita tu?? la mamola che canta la xe in famigia co tu??
ciao e buon weekend
thor

Ennio Pasta ha detto...

Stamatina gero a sintì Marin e le sove ragiuni per diventà consiglier regionale. in bona sostansa al sugo del sò discorso gera: voteme perchè no ne xe oltri, tureve al naso se spussa ma voteme.
Tu capissi, al mamolo al veva sintio la tova canson viva i graisani, al passato no xe più. al belo xe che l'ha ragion.
Alora Viva i graisani, semo restai cussì pochi.