Grado spot

Il nostro scrittore Domenico Marchesini (1850-1924)
ci racconta una storia sulla Grado antica ...
**************************

“ Gravo antigo “

De Gravo antigo la so storia ciara
Gnissun la sa e la savarà per mai
E tra quii che no cree me meta a gara.
Co le marine mundi deslargae
Qua gera de eia nome la fortessa
Sul più levoso a giusta veritae;
Cu dise che ebia qua dao zoso i fundi
Cu, che de più 'l mar s'ebia solevao,
Comò se veghe infora piere afundi.
Ma co più sigurtae se sa de quando
Gera Atila a destruzeh Naquilea
Che a Gravo i Patriarchi 'i aveva brando,
Lafe, e che se poi ben mostrah col dea
Che in Ciesa tanti i so ossi'i li ha sepulti
E 'l so palasso che 'ncuo 'l ze in bareo.
Sora tante urne e sparse antichitae,
Sto Gravo 'l veva più de vinti ciese,
E donca j se poi dih: gera çitae:
Che per ben creeh, ve basta ghitahj vardo
A tante fondamente, in mar fondae
Co de San Vio Grisoveno e Gotardo.
Ze nato puo Venessia, e i patriarchi
Eia ne ha tolto e i siuri del paese
E'I megio e'I bon, co le galie so barchi.
De i primi di che Gravo j comandeva
Puo 'la ze deventagia so parona
E de San Marco 'l lion ne governeva.
Da quii di in qua, più sempre descagiando
'L ze 'ndao perdando case e anche marine
Per via de 'l mar e de omini 'l comando.
Za prima co i vigniva da l'uriente,
Stao travagiao da i Greghi e Turchi in guera
'L ze, e sachizao, destruto da oltra zente.
Che infin, da quii de Franza e dai Anglisi
Co i bastiminti ze stao bombardao:
Che col dahj luogo puo qua e 'sti parisi
'L ne ha brusao Canonega e l'Ufissio
Co duti i libri e carte che spiegheva
De Gravo sin al buo 'sto malifizio:
Comò, se cussi tresca 'ste ristie
Fa a dih: "da qua tre seculi, siguro,
Dute 'ste case no sarà più in pie. "
Ma a viveh sin quel tempo no me bramo!
Se sa, che a dihve he co sinçeritae
Za a st'ora, la gno vita me fa gramo:
Che a duol tra i veci va 'vanzando etae
Che voi canui, voi orbi e despussinti
E a fah magnah panà co cage i dinti.
*******************************