15 feb 2018

'L incanto






L incanto
(Requiem)

‘L incanto ‘l xe svanîo,
ghitao là in t’un canton…
no crêo gnanche più in Dio
o a ‘l anzolo là sù.
Xe morto ‘sto paese,
solo aneme che và…
silensio ‘ntè  le Ciese,
nissun che và a pregà.

‘L mar no ‘l xe più vivo,
‘l paluo xe sofegao:
no ‘i score ‘ntè le vene
che fango de ‘nquinao.
Le piere se desfregola
più ninte xe restao,
aval i ossi de i morti
vien duto soterao.

Xe muri che no ‘i lassa
passà i razi de’l sol,
‘i sconde anche la luna
e duto quel che ‘i pol.

I visi che xe ‘ntorno
nissun ‘li à visti mai,
‘l sangue ‘ntè le gnò vene
no ‘li hà mai cugnussui.
Ma ‘l tenpo ‘l xe finio,
xe duto ormai passao:
spario aval de i nuoli,
duto desmentegao.

Mar e sielo gera ‘n incanto,
un sogno belo, liziero ‘nte’l vento.
Miera de oduri e profumo de fiuri,
dossi de oro co mile culuri.
Ma….
...‘ndola la xe ‘ndagia la gnò zente ?
e ‘sto paese mio?
Altari e vecie piere
fondae drento de’l mar
o perse ‘nte’l caligo…

‘L incanto ‘l xe svanîo,
ghitao là in t’un canton…
no crêo gnanche più in Dio
o a ‘l anzolo là sù.
Ma ‘l tenpo ‘l xe finio,
xe duto ormai passao:
spario aval de i nuoli,
duto desmentegao.

A.Tognon@2015

14 feb 2018

26 lug 2017

Festival de la Canson Graisana


                                                                                  * * *

25 feb 2017

14 ott 2016

Francesco a Gravo


L'isola di Grado nelle sue canzoni....

31 lug 2016

Giorgio Busdon

ciao Giorgio....

========
 

15 mag 2016

Le beveríe



                                                     Le beveríe

Comò i fiuri de tapo
che ‘i spunta là in paluo
cussì l’istae a Gravo
fiurisse beveríe...
Vien fora tavulini,
carieghe e anche onbreluni,
tovage e tovagete
co’ sora le salviete.
No xe de cusinà,
opur xe mundi poco
che basta do pestaci
o un per de tramezini,
financo xe le ulive o
fetèle de salame
co’ un toco de formagio
pe’ quii che ha mundi fame.
             Ma ‘l re de ‘sto bel regno
             xe ‘l vin o ’l “prosechino”
             che ‘l score comò ‘l aqua
             co’l ponto xe a dosana.
             Turisti ’i se consola
             che ‘l beve ‘i piase assai
             e cussì anche i graisani
             che no ‘i lo mola mai.
               Butiglie de ogni nome
               e biceri senpre alsai,
               tapi che svola in alto
               comò fôssa corcai.
               No sarà loghi santi
               e gnanche opere pie:
               comunque ‘viva Gravo
               co’ le so’ beverie !!!

20 mar 2016

50^ Festival della Canzone Gradese


50^ Festival della Canzone Gradese




La gnò regina

He sintìo che questa sera
gran festa se farà,
duti quanti ‘i và in paese,
a Gravo duti ch‘i và…
un veglion co’ canti e bali,
vin pe’ tirasse sù:
catarè duti i gnò amissi de palù.
                                                                                                                                                                                                                                             Duti quanti vistii a tapo,
                                                                                        
Duti quanti che ‘i te varda :
tirai a lustro ‘i sarà,                                                                  tu pâr un ànzolo…
co’ la femena a brasseto                                                       ‘nvesse drento i oci tovi
(e) la vògia de balà,                                                                 me vego ‘l diavolo,
tante rîade, tante cantade                                                   tentassion che la me fâ
e bali e valser de più:                                                              ‘l cuor bàte de più:
ma me vôgio restà ‘nsieme solo co’ tu.                          ma són me che me ‘namoro senpre più !
Tu sarà tu la regina de la festa,                                           Tu sarà tu la regina de la festa,
tu la sola che me farà perde la testa…                             tu la sola che me farà perde la testa…
me metarè ‘l vestito novo,                                                  pe’ sta sera vògio êsse ‘l to’ re,
la camisa co’i butuni de oro:                                            senpre strento a fianco de tu
sì, me vôgio êsse un re solo per tu…                                  che tu són la gnò regina quà in palù…
sì, me vôgio êsse un re solo per tu.                                  che tu són la gnò regina quà in palù.

Sarà quasi ’l alba cô stanote
tornaremo a cason,
co’ la luna olta in sielo
(e) le stele sù, a vardà;
co’ la musica de i rimi
sora de ‘l aqua blù:
noltri, suli, ‘nte’l silensio de’l palù.
Svolarà, drita e liziera, la gnò batela
e tu sarà vissin de me a tignì la vela:
vardarè in fondo a i to’ oci de stela
e ‘lora, sì, tu capirà de più
che tu són la gnò regina quà in palù.