23 dic 2011

GRADO - Natale 2011



REGALI DE 'NA' VOLTA

Fora 'ncora scuro
ma me son zà levao,
'nte 'alboro infiocao
se veghe garghe suro.

Rivào zè al Redentor,
co' elo vien i regali
sognai longo pe' i viali,
sperai ‘nt'un balaor.

Ma piculi zè i pachi
comò le gno speranse
de no catà 'naranse
o un sesto pien de cachi.

Zè tinpi travagiai
e la miseria stiassa,
nissun zè pe' la piassa
e i barchi i zè ligai.

...e anche stò Nadal
co' stì ciari de luna,
al cine ‘nte la cuna
me toca stà vardà.

No hè catao i gno sogni,
ma un magion de lana
pe' questa vita grama
siguro al servirà.

A zè stao fato sù
co' roba refagia,
desfao calsini e magia
che no se mete più.

Lostesso son contento
de 'vè catao un regalo,
gno mare pe' gucialo
l'hà perso sono e tenpo.

Sti quà gera i regali
che veva i fantulini,
no bori , telefunini,
o motorini zali.

Basteva poche robe
pe' fà felisità,
'nà famegia unìa
co^'l Cristo nasarà.

"Teti "  (S. Dovier)

18 dic 2011

13 dic 2011