30 gen 2010

Grado spot



                                 * * * * * * * * * *

24 gen 2010

Grado spot


Tra gli artisti Gradesi si segnala Stefano "Teti" Dovier, che di recente ha pubblicato un libro intitolato "Sghiribissi"
 nel quale sono raccolte le sue poesie in dialetto.
Pubblichiamo volentieri una sua opera.






A TORSIO PER LE CUBE

Xe note,xe scuro, camino per le cube,
comò lisiera bava l'aria de remortisso
la me fà ricordà, le antichitae de quele case.
Son solo,finalmente solo
tra quii campielli,tra quii balauri,tra quele piere,
danovo paron de Gravo mia.
Le strae ormai gambiae a festa co piere nove,
no le se ricorda de me, quando sughevo a canditi
su de ele.
L'ombria che se slonga e se scurta,
passando sotto i lampiuni,
par comò rampigasse,tignisse strenta
su quei pieruni.
Comò le arte dei pescauri ciapae 'n tei grebeni,
che pur stacandose,
le lassa sempre gargossa de ele, tacao là.
Penso e camino,
son zà rivao in te l'androna de la ciesa,
là....là drio,drento la ciesetta,
gera una statua de un santo,
che zorno dopo zorno,
pareva che la se moveva.
Quanti ricordi lassai là drento,
tra cuori de grassie e cera descolagia.
Vago avanti longo stralonga,
passo davanti alle "tre corone",
e no vego più la capanna de canele
'ndola Valerio al faseva le serade.
Continuo per stralonga,
case che gera cagiue, desso le xe messe a novo,
comprae da sugaduri o zente foresta.
Rivo in savial,
no vego più la casa dei mamuli buni,
solo carieghe e tole,
anche le boteghe dei maringon,
quela de Pompeo e quela de Alberico,
no le xe più,solo carieghe e tole.
Anche la finestra del vecio Stocco
la xe desolagia,desmentegagia,comò i sovi culumbi.
Passo davanti alla Pastora
e me vien dalongo in suca al pisso de carusso
che i feva là.'Ndola al xe finio quel pan?
Also i vogi e vego al balaor dei corcalina,
quanta vita in quele cube
quanti fantulini che i sugheva, i solteva
e i feva festa e garghe volta i riveva al bucal..zò
da la finestra.
'Ndando avanti per le mie,
rivo a casa de Forti,Giovani Forti,là, in campiello tonegasso
'ndola steva anche Palege,ma dopo al fogo
i s'hà spostao.
Davanti steva Ciano pori, proprio in canton de cale Tognon,
ormai stropagia dal simento, una volta per de là se 'ndeva in casata.
Vago avanti,.... el pensier al me porta l'hà de Capelani,
che gera un omo che'l feva pagiuni e .......oltro.
Semo in cul de muro e tornando indrio,
vago danovo per stralonga.
Me fermo in casata,un vero burcelo de fantulini,
là gera sempre battaglia ma anche tanta musica.
Una volta steva i Trombai,Niky e Fabio,in parte al mio amico Livio Ciciarolo co la sova famegia.
De là passo per porta granda,davanti al mitico "massagatti",indola Toni e Walter,i scuminsieva a fà le prime bacanade.
De là vago in acquedotto,
quà se se cateva,a parte comò ritrovo,anche per le feste de paese,le femene le vigniva a lavà e le babeva drento al lavatoio e garghedun anche al pisseva,perchè là gera un dei primi cessi comunali.

Quanti pusti xe gambiai
quante aneme xe 'ndae,
ma stà isola la tien duro
a stè oltre novità.

Tanta zente l'ha strasagia
la gno Gravo che he nel cuor,
anche se la xe gambiagia
sarà sempre al gnò tesor.

(Teti)
                                        * * * * * * * * * * * *

21 gen 2010

Grado - spot





Oggi festeggiamo il nostro sito web :
http://www.youtube.com/gravomore
che ha raggiunto e superato i 100.000 download ...

Una gran soddisfazione ed anche una bella pubblicità per Grado !!!