Nadal a Gravo

AQUAE GRADATE

Grado spot

“ AL VERBO “

Gargun xe comò Ariana (…quela de’l filo)
che un segno ’ndola ’ndà lassà ha vogiûo.
A quii che ’l ha sintîo che mundi ’i rugna
’i ha dìto: vignì de me se a ciacolà in graisan ve scugna;

che serve a veghe carte in biblioteca
o spende soldi e conprà scriti in libreria:
no serve a ninte e ninte se cunbina,
xe duto tenpo perso e soldi ghitai via.

Cussì xe solo un posto ’ndola se cata ’l VERBO,
un posto riservao pe’l Santo Graal
e solo UN pol dî messa e vangelo
’chè, ciaro, duti i oltri ’i lo fà mal.

Miga no pòsso dî che ’l èbia boria
che, ansi, la predica ’l fà ben,
però  a desmentegasse de la Storia
xe comò méte un bieco roto che no’l tien…

no’ dî de zente che no ha quà foto in simisterio
o ossi sfregolai drento ’na tonba
e che forsi garghe fogio ’i ha sporcao
a scrive de gargossa belo o serio.

E quà no stàgo a dài nome la colpa a élo
ma al-fin, e tira e tira, ’l filo ’l s’ha anche roto
e ’lora, sotovose e sensa inpegno,
dìgo che forsi, comò senpre, siguro centra ’l Proto…

P.S.  Eventuali errori di ortografia vanno addebitati
         alla stamperia…

                    *           *         *

Natale 2013